Населени места од општина Босилово вечерва ем без струја ем без вода заради пожарот во трафостаницата на ЕВН кај Сушица

713

Заради пожарот што избувна во трафостаницата на ЕВН кај Сушица, дел од населените места во општините Босилово и Ново Село се без струја а шест населени места од општина Босилово со општинскиот центар од вечерва се е и без вода. Поради дефектот од пожарот на трафостаницата, филтер станицата во ова општина е без струја и не може да врши дотур на вода до крајните потрошувачи

Од Јавното комунално претпријатие Огражден од Босилово информираат дека вечерва од 20:30 часот без вода за пиење се населените места кои се снабдуваат од хидросистемот „Иловица“, и тоа: Босилово, Бориево, Робово, Радово, Еднокуќево, Турново и Секирник. Прекинот на водоснабдувањето ќе трае се до отстранување на дефектот со снабдувањето на електричната енергија.

Инаку попладнево околу 16:00 часот избувна пожар во Трафостаницата 110/10 KV на ЕВН  кај Сушица, при што е прекинато напојувањето со електрична енергија кон голем број населени места во Струмичкиот регион.

Противпожарната единица од Струмица со две противпожарни возила и пет пожарникари го изгаснија пожарот. Направена е голема материјална штета, уништета е целата опрема.

Екипи на ЕВН да ги санираат штетите и да обезбедат електрична енергија од трафостаници од Струмица за да можат жителите од овој реон добијат електрична енергија.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.