Наковски по втор пат подобар од Виктори – Димитриева ги смири со сервисот во второто струмичко дерби

527

И второто струмичко одбојкарско дерби во женска конкуренција им припадна на одбојкарките на Наковски Волеј. По есенските 3:2 во сетови во салата ,,Партизан,, против ,,Виктори Волеј,,  како гостинки, избраничките на Хари Наковски сега како домаќинки во салата на СОУ ,, Димитар Влахов’’  славеа со  3:1 во сетови. Поранешната ,,викторијанка,, Пале Димитриева беше клучот за победата за Наковски која влезе во вториот сет и на секој нејзин сервис паѓаа по 6-7 поени

,,Виктори Волеј,, одлично го почна дуелот. Младите одбојкарки предводени од Верица Василева заедно со Чинкова, Дикова, Ричлиева, Гошева и Додевска покажаа заби и се носеа со домашниот Наковски волеј. Во драматична завршница го добија со 25:21 за водство од 1:0. Но тогаш на сцена настапи Пале Димитриева која не играше во првиот сет. Викторијанки немаа решение за нејзиниот сервис па ,,Наковски волеј’’ предводена од Димитриева но и со расположените Ива Стојанова, Сара Делчева, Ана Фасулева, Марија Пакетова, Данила Велинска, Белмезова, Баџакова го добија вториот сет со 25:18 и израмнија на 1:1. Наковски волеј многу полесно го доби третиот сет (25:12) и поведе со 2:1 а ништо поразлично не беше и во четвртиот сет кој го добија (25:13) за конечни 3:1.

Со ова победа ,,Наковски волеј’’ се зацврсти на третата позиција во одбојкарскиот шампионат веднаш зад двата тима на Работнички додека Виктори ќе мора да вложи максимум ако сака да се најде во плејоф завршницата за разигрување за Шампионксата титула

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.