Наковски волеј од Струмица, трката за освојување на шампионската титула ќе ја стартува од третата позиција. На едно коло до крајот на втората фаза од шампионатот, познато е кои се четири екипи ќе разигруваат за шампионскиот пехар. Во тоа друштво ќе бидат и девојките на Наковски волеј кои во предпоследното редовно коло освоија бод како домаќинки во дуелот со Работнички Скопје (2:3)
За разлика од Наковски Волеј, во трката за титулата, пласман не успеа да обезбеди Виктори волеј, кој во Скопје беше поразен од Јанта со 3:0 во сетови. На ,,викторијанки,, и беше потребна победа за да останат во игра за плеј офф завршницата, но со поразот, четвртото место им го препуштија на Јанта
Следното коло е последната струмичка ,,пресметка’’ меѓу девојките на Виктори и Наковски. Истата ќе нема резултатско значење и ќе се игра за престиж во струмичката женска одбојка.
Наковски во плеј офф пресметката за титулата ќе игра најверојатно со Работнички Скопје кој во моментов е на втората позиција или со лидерот Работнички жени кои во последното коло ќе треба да слават и да го задржат првото место
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
