Моторџиите во Струмица донираа за социјално загрозените семејства и за заштита од ракот на дојката

210

Жените мотоциклисти во Струмица се собраа на хуманитарен настан за поддршка на социјално ранливи семејства и подигање на свесноста за заштита од ракот на дојката. Во организација на BikersGarage, а за прв пат по иницијатива на жените мотоциклисти денеска се одржа настанот LadyBikerPower „Заедно против ракот на дојка“, чиј покровител е ЕуромаксРесоурцес.

Присутните на настанот можеа да донираат детски играчки, детски алишта и мебел за дечиња наменет за социјално загрозени семејства. Додека присутните жени имаа можност да направат консултација со доктор специјалист од областа за рана детекција и превенција за рак на дојка кај жените.

„Идејата за Лејдибајкерпауер, произлезе од жените моторџии и поддржана е од повеќе мото клубовите низ Македонија. Заедно со Христијанската мото асоцијација и поддршката што ја имаме од струмичкиот мото клуб „Цар тауеррајдерс“ организираме донаторска акција на која учествуваат сите присутни. Помошта е наменета за социјално загрозените семејства. Сакам да се заблагодарам на поддржувачотЕуромаксРесоурцес и Интеркосулт плус, локални фирми од Струмица без кои оваа хумана активност ќе беше невозможна“, вели Александар Божинов од Бајкерсгараж, кој е и организатор на настанот.

Христијанската Мото Асоцијација која се приклучи во организацијата на на настанот што има и хуманитарен карактер, е организација која е дел од една поголема меѓународна мрежа со седиште во САД.

„Моторите стануваат поактуелни во последните 10 години. Поради густиот сообраќај во градовите, како пример ќе го земам Скопје, со мотори е многу полесно да се движиш и полесно е за паркирање. Од тој аспект моторите имаат предности, сепак најважно е да се почитуваат сообраќајните правила и да се носи задолжителната заштитна опрема“, вели Игор Говорко од Христијанската Мото Асоцијација.

Васил Смилков од мото клубот „Цар пауеррајдер“ од Струмица ја истакнува важноста за едукација на помладите моторџии за правилата и заштитата кога се учесници во сообраќајот.

„За нас не е важно дали возачот е жена или маж, важно е да ги почитуваат правилата. Како мото клуб имаме едукативни активности и во школите да почитување на правила и најважно од се користење на заштитна опрема и кај младите моторџии“, вели Смилков.

Инвеститорот на проектот за рудник за бакар „Иловица – Штука“, ЕуромаксРесоурцес настанот го поддржа како дел од активностите од кампањата за помагање на локални проекти. Во изминатиот период компанијата реализира поголема кампања под мотото „Со акција и дела за подобар живот СЕГА и ВЕДНАШ“ со цел преку локални проекти и соработка со невладиниот сектор се поддржи и населението во Југоистокот и да се намалат последиците од здравствено – економската криза предизвикана од Ковид пандемијата.

(комерцијална објава)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.