Младиот Секулов од Струмица држи ,,лекции’’ на повозрасните во пинг понг – во Крива Паланка меѓу најдобрите во сите категории

787

13 годишниот пингпонгар на ППК ,,Астраион Мегаспин’’ од Струмица- Борис Секулов кој до пред извесен период ги бранеше боите на клубот ,,Струмица’’, на Телеком Мастер турнирите во пинг понг во Крива Паланка се врати со неколку одличја. Признанијата и одличјата се повредни ако се има во предвид дека се освоени во повозрасните категории на натпреварувачи и тоа во У15, У18 и У21.

Во категоријата пинпонгари до 15 години (У15), Секулов во конкуренција на 34 учесника го освои второто место. Во категоријата до 18 години овој надежен пингпонгар го освои третото место во конкуренција на 27 натпеварувачи. Малку недостасуваше да биде меѓу најдобрите и кај сениорите У21 каде го освои петото место во конкуренција на 18 натпреварувачи.

Следниот викенд Борис Секулов кој долго време работеше под менторство на мајсторот Кире Велков кој го развиваше неговиот талент, ќе се натпреварува на Државното првенство во пинг понг за основни училишта во Прилеп по што ќе земе учество и на меѓународниот турнир во Ниш Србија

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.