Малку фалеше за сензација, Виктори извлече бод во дуелот со непоразениот Работнички жени

377

Одбојкарките на Виктори Волеј одиграа одлична партија во дуелот со непоразениот Работнички Жени од Скопје кој мислеше дека ќе се прошета во салата ,,Партизан’’. Избраничките на Кире Јанков се покажаа како незгоден противник за далеку поискусните девојки на Горан Славков, кои победата ја ,,бркаа’’ во петтиот сет.

Работнички тргна фуриозно 25:12. Но во вториот сет доби ,,шлаканица,, од Виктори со влегувањето на Илков за конечни 25:21,  период кога блескаше и Мила Дикова. Во тој стил струмичанки продолжија и во третиот сет. Тогаш Софија Ричлиева со Гошева имаа одлични блокади, а се разигра и Верица Василева но и Додевска во приемот. Сето тоа донесе водство од 2:1 откако третиот сет го добија со 25:22

Работнички Жени ги консолидираше своите редови и веднаш реагираше во четвртиот сет во кој Ковачевиќ и искусната Живковиќ не дозволија победа за домаќинките а беа подобри и во петиот сет со 15:9 за конечни 3:2 во сетови

Виктори волеј од овој меч извлече бод за пласман во плеј офот, каде Наковски волеј е сигурен кој синоќа славеше победа против Пелистер во Битола

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.