Кризниот штаб од Радовиш бара нова интервенција на авионите за да се стави под контрола десетдневниот пожар на Готен

2493

Пожарот на планината Готен кај Радовиш сеуште е активен и според ЦУК тој се шири во неколку правци и на повеќе места. Со оглед на непристапниот терен состојбата ја прави доста сложена за локализирање на  пожарот кој речиси десет дена гори на ова планина.

За пожарот што беснее на Готен синоќа повторно заседаваше регионалниот кризен штаб при  што се донесе одлука да се побара повторно интервенција на авионите ,,Ер трактори’’ на Дирекцијата за заштита и спасување се до ставање на пожарот под контрола и да се зголеми координацијата на сите инволвирани на терен за поефикасно дејствување.

Од општина Радовиш информираа дека денеска на терен се анагажирани 75 лица кои учествуваат во гаснењето на пожарот. Интервенираат вработени до ЈП национални шуми од подружниците на Радовиш, Штип и Кочани. На терен се и околу 15 пожарникари од Радовиш, Струмица и Берово . Дотур на вода се врши со два трактори до  позиции кои се тешко рпистапни

Од таа причина веќе претпладнево интервенираа авионите на Дирекцијата за да може пожарот кој се шири да биде ставен под контрола, но се очекува нивната интервенција да продолжи. Тој според информациите опфатил стотици  хектари нискостеблеста шума и прнари, но постои опасност да навлезе во шумскито предел.

Изминативе денови секојдневно на терен се ангажираат по околу 45 лица

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.