Како до рамномерен регионален развој во Југоистокот – меѓународна конференција во Струмица со презентации, панел дискусии, дебати…

479

Како до регионален рамномерен развој во Југоистокот, што треба да се направи од страна на сите чинители и какви се меѓународните искуства. Ова се дел од темите на меѓународната конференција што утре и задутре ќе се одржи во хотелот Сириус во Струмица а го организира Центарот за развој на Југоисточниот плански регион. На конференцијата ќе се дебатира на повеќе области кои дават свој придонес во регионалниот рамномерен развој  а на отварањето ќе се обратат Жулиета Ѓуркова Раководител на Центарот за развој на Југоисточниот плански регион,  Коста Јаневски  Претседател на Советот за развој на Југоисточниот плански региони  и државниот секретар при Министерството за локална самоуправа Кирил Парталов

Учесниците на конференцијата ќе дебатираат на осумтематски сесии и тоа од областа на млади и образование, инфраструктура, мали и средни претпријатија, животна средина, информатичко и комуникациска технологија, граѓански организации и туризам, при што на пристуните ќе им се обратат над 20 говорници од земјата и странство, вклучувајки ги и сите градоначалници од нашиот регион, преку презентации, панел и пленарни дискусии ќе споделат искуства и добри практики од особено значење за развојот на Југоисточниот регион.

За време конференцијата ќе бидат презентирани можностите за регионалниот рамномерен развој, вклученоста на чинителите во развојот, искуства во реализација на проекти од регионално значење, предности и недостатоци при реализација на проекти финансирани од ЕУ и други странски донатори, заклучоци и препораки.

Размената на искуствата и споделување на информации во врска со предизвиците во имплементирањето на проекти кои придонесуваат кон регионален развој како и можности за младите да бидат вклучени во процесот на регионалниот развој ќе придонесе кон подобрување на капацитетите на засегнатите страни. Целта на конференцијата е да се подигне свеста за рамномерниот регионалнен развој и да се поттикне соработка и вмрежување на клучните чинители од регионот кои придонесуваат за регионалниот развој.

Оваа конференција се организира во рамките на проектот „Одржлив и инклузивен рамномерен регионален развој“ каде Центарот за развој на Југоисточниот плански регион е партнер во имплементацијата на Министерството за локална самоуправа и Кабинетот на Заменик на претседателот на Владата на Република Северна Македонија задолжен за економски прашања и координација на економски ресори и Швајцарската Агенција за развој и соработка.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.