Македонските купувачи на мебел од српско руската фирма ,,Нефа мебел’’ останаа затечени откако ова фирма без било каква најава ги затвори сите продавници во државата. Во земјава ова компанија има десетина продавници низ повеќе градови а според информациите стотици купувачи од вчера се без можност да ги добијат однапред платените нарачки.
Мегу нив има и струмичани кои платиле но не добиле мебел. Роксана Петковска Божинова денеска наиде на затворени врати на продавницата во Струмица која платила за гарнитура уште од март и требало во рок од 30 работни дена да ја добие
,, Од крајот на март имав нарачано гарнитура која чини 20 илјади денари. Платено е во готово со договор со се. Договорот за испорака беше 30 работни денови. Чекавме ама ја слушнавме веста и дојдовме да видиме што се случува и очекувано наидовме на затворени вреати. Намерно дојдов да проверам оти звонев на сите бореви што ги имавме . Сите броеви се недостапни. Ова е катастрофа’’, изјави Роксана Петковска Божинова
Српските медиуми објавија дека руската ,,Спилит’’ која го произведува мебелот а го продава ,,Нефа’’, пред три дена преку ноќ побегнале од Врање Србија и оставиле долгови и околу 300 работници без работа заради што во неизвесност се купувачите во Србија и Македонија каде ова комапнија има своја трговска мрежа
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
