За последните 24 часа во земјава, регистрирани 21 лице позитивни на вирусот КОВИД-19

1267

Во изминатите 24 часа се направени 258 тестирања, а регистриран е 21 нов случај на КОВИД-19, соопшти Министерството за здравство. Од новите случаи, 12 се од Скопје, 5 од Тетово, 3 од Куманово и 1 од Штип. Во изминатото деноноќие не се регистрирани починати пациенти како последица на КОВИД-19.

Вкупната бројка на КОВИД-19 дијагностицирани во земјава од почетокот на епидемијата изнесува 1.999, бројката на оздравени пациенти е 1.439, на починати е 113, а во моментов бројот на активни случаи во земјата изнесува 447.

Досега во земјата се направени вкупно 25.528 тестирања на КОВИД-19. Од вкупниот број направени тестови во изминатото деноноќие, 13 теста се во рамките на скринингот. Тестирањата се направени преку Центрите за јавно здравје во Велес, Кочани, Куманово и Скопје во градинки и геронтолошки установи и не се регистрирани позитивни случаи на КОВИД-19.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.