Еуромакс организираше инфо средба со жители на Босилово и Ново село – Eдни за отворање рудник, други против

231

Компанијата што сака да го гради рудникот за бакар кај Иловица и Штуака  ,, Еуромакс  рисорсис,, оствари  средба со жителите од општините Босилово и Ново село кои отворено даваат поддршка за ова инвестиција од повеќе стотина милиони евра. Го презентираа процесот за работа, придобивките од отворање на рудникот и можните вработување. Инфо средбата е во функција да се презентира целиот проект но и да се се зајакне  соработката  со локалната заедница како главен партнер во целиот тој процес кажа Никола Гулев финансов директор на компанијата

,,Комуникацијата со локалното население и заедницата останува наш приоритет, бидејќи е наш долгорочен партнер за понатамошниот развој на проектот. Во таа насока и денешната средба е една од многуте настани организирани од страна на Еуромакс за комуникација со локалното население и заедницата. Имаше голем интерес за пополнување на апликации за вработување, дури во еден момент останавме без формулари. Жителите покажаа и интерес да се запознаат со техничките карактеристики на идниот рудник преку моделот што беше изложен во салата“, изјави Гулев.

Присутните граѓани на средбата во Банско велат дека ова инвестиција нема да ја загадува животната средина и ќе донесе многу бенефити за локалната заедница. Ќе се имало нови вработувања каде младите ќе можат да работат бидејки од земјоделието веќе нема егзистенција оти откупните цени се прениски и сите што се занимаваат со земјоделство се презадолжени кај аптеките

На средбата не присуствува активистите против рудници  кои со месеци се борат во југоистокот да нема тешка индустрија. Тие беа гневни што не им беше дозволено да присуствуваат на неформалната информативна средба бидејки имале многу отворени прашања да им постават на преставници на Еуромакс и тоа за уништување на шумскиот фонд, за манипулацијата со вработувањата, за прашината и загадувањето од целиот рудник што ќе се гради над Иловица и Штука

,,Бевме спречени да влеземе да слушнеме за проектот. Сакавме да поставиме повеќе прашања на кои досега не добивме одговор, но бевме спречени. Сакавме да укажеме дека тие што се внатре се изманипулирани во поглед на вработувањата и бенефитите од овој рудик кој дефинитивно ќе го загадува струмичкиот регион ,, потенцираше Костадин Ристоманов од  ,,Здрава котлина’’

 

 

 

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.