Во населеното место Едрениково почна изградбата на фекална канализациона мрежа проект кој го имплементира Центарот за развој на Југоисточниот плански регион преку УНДП за што Швајцарската влада додели 10 милиони денари. Целиот проект опфаќа изградба на примарна и секундарна мрежа со што ќе се овозможи сите домаќинства од Едрениково да се приклучат на межата и на тој начин ќе се подобрат условите за живот во ова населено место но и ќе се подобри животната средина
„Сакам да ги информирам граѓаните на населеното место Едрениково дека се обезбедени и дополнителни средства во висина од 15 000 000 денари за изградба на пречистителна станица за пречистување на фекалните отпадни води која треба да се реализира во текот на оваа година. Наша цел е да овозможиме зачувување на здравата животна средина од една страна и да ги подобриме условите за живот во ова населено место од друга страна’’, изјави градоначалникот Јанев ветувајќи обезбедување средства за изградба на вакви системи и во останатите населени места на општина Василево.
Изградбата на системот за канализација во населеното место Едрениково е во рамки на УНДП проектот „Управување со сливот на река Струмица“ каде партнери се општините од Струмичкиот слив, Министерството за животна средина и просторно планирање и Центарот за развој на Југоисточниот плански регион.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
