Дојранскиот ,,Д Фестивал’’ ќе го отвори францускиот тандем „Офенбах“ кои имат 250 милиони прегледи на Јутјуб

433

Парискиот музички феномен ,,Офенбах’’ ќе го отвори годинашново издание на ,,Д фестивал,, во Дојран кој ќе се одржи од 12 до 14 јули. Македонската публика за првпат ќе ги слушне  во живо нивните хитови: „Be Mine“, „Katchi“ и „Paradise“, кои се необичен спој на чил-електро и инструментални делници извлечени од нивната љубов за рокенрол и блуз-музиката. Тандемот го сочинуваат Дориан Ло и Сезар де Румеел кој на Јутјуб имаат 250 милиони прегледувања

Истата вечер, на главната бина ќе настапи Војко В (познат и како Војко Вруќина), сплитски рапер и продуцент познат по својата работа во бендовите „Дјечаци“ и „Киша метака“.  Тој за помалку од една година стана еден од најраспродаваните артисти во регионот, а негови најпознати теми се: „Паста италијана“, „Не може“, „Како то“. Годинава е номиниран дури за шест награди „порин“, меѓу кои и за албум и песна на годината.

На ,,Д Фестивал’’ годинава најавен е настап на холандската музичка сензација и трикратен сопственик на наградите „битпорт мјузик“, групата „Ноизиа“ а според најавите последната вечер, на 14 јули, доаѓа „Напалм дет“, кој имаат речиси четириесетгодишна кариера

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.