Градоначалникот Ангов со прием на ,,златните’’ деца на Џокер Фурка од турнирот во Грција, заедно ќе одат на мечот Македонија Израел

375

Фудбалските надежи од ,,Џокер”од Фурка кои го освоија турнирот ,,Golden Cup” во Грција ги прими градоначалникот на Дојран Анго Ангов. На средбата градоначалникот им го честиташе успехот на фудбалерите генерација 2007 кои ги надиграа своите врсници од Грција во сите пет натпревари од турнирот во Агиа Триада.

На средбата Ангов се интересирал за турнирот во Грција но и за функционирањето на овој клуб кој се натпреварува во детската лига на ФФМ. Се разговарало и што можат како локална самоуправа да помогнат за подобрување на условите за работа и за продолжување на соработката бидејки  и досега помагале за учество на турнири.

,, Овие деца се наши спортски промотори а постигнаа огромен усепх во соседна Грција. Во знак на благодарност им подаривме фудбалски топки оти тие се нашата иднина, која сака да спортува и да ја презентира општината. Секако дека како општина стоиме на располагање да помогнеме и во делот на опрема и подобрување на условите за спортување. Со оглед дека никогаш не биле на официјален натпревар на македонската репрезентација а изразија желба,  лично како Ангов им ветив дека ќе организирам и  заеднички да го следиме дуелот со Израел,, ни кажа градоначалникот Анго Ангов

Џокер од Фурка на турнирот во Агиа Триада во соседна Грција со 17 постигнати гола на пет меча беа убедливо најдобар тим со што ги изненадија сите фудбалски работници што присуствува на овој турнир.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.