Градинките во Куклиш и Муртино за 86 дечиња готови, се чека решение од МТСП за работа вели струмичкиот градоначалник Јаневски

450

,,Очекуваме уште решение за вршење на оваа дејност, кое што треба да го издаде министерствто за труд и социјална политика и веднаш после тоа ќе можеме да ги примиме нашите најмали сограѓани од овие категории во овие убави објекти”. Вака истакна градоначалникот на Струмица Коста Јаневски при посетата на градинката во Куклиш која е изградена и опремена со потребниот инвентар . Станува збор за градинки кои се сместени во поранешните општински згради во Куклиш и Муртино кои се адаптираа со грант од Меѓународната банка за обнова и развој и еден дел со општински средства

,,Имам задоволство да потенцирам уште еден важен сегмент во квалитетот на живеење во нашата општина. Тоа се градинките во населените места Куклиш и Муртино во кои се вршат последните дооформувања на амбиентот внатре и пополнување со се она што е потребно како инвентар во овие градинки, кои што ќе примат околу 86 наши дечиња, најмлади сограѓани, шеесетина деца во населеното место Куклиш и околу 26 деца во населеното место Муртино. Ова е еден убав проект,, рече Јаневски

Во општина Струмица ќе се гради уште една градинка која ќе се наоѓа во кругот на касарната. Градежните работи треба да почнат на почетокот на 2020 тата. Капацитетот на градинката треба да биде од 250 до 310 дечиња а средства се обезбедени

,, Со овие интервенции, мислам дека општина Струмица дефинитивно ќе го затвори проблемот со недостаток на капацитети во овие наши установи, бидејќи познато е дека со години се примаа повеќе дечиња отколку што беа капацитетите на овие наши установи, кои беа градени во едно поодамнешно време,, потенцираше Јаневски

фото – општина Струмица

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.