Во Словенија почнува Европското во одбојка, македонската селекција со девет струмичани и најавуваат осминафинале

1082

Македонската одбојкарска селекција го развиори македонското знаме во Љубљана каде ќе настапи во групата Ц од Европското првенство во одбојка. Дури девет струмичани ќе го носат националниот дрес со што испишуваат историја во македонската одбојка која со години се обидуваше да биде дел од еден континентален собир. Браќата Никола и Ѓорѓи Ѓоргиеви, Владо Милев, Александар Љафтов, Васе Михаилов, Ристо Николов, Филип Маџунков, Славе Наков и Стојанче Илиев се момците кои потекнуваат од струмичката одбојкарска школо и утре против Финска ќе треба да ја почнат европската одисеја.

,, Одиме на победа. Ќе биде тешко но нема да се предадеме. Финците не се ништо посебно, но ќе одиграме борбено за да дебитираме со победа. Во групата очекувам 2-3 победи за да ја видиме Франција и да испишеме нова историја,, вели капитенот и коректор Никола Ѓоргиев.

,, Очекувам борбен меч оти е прв натпревар и секој сака Европското да го почне со победа. Но ќе се бориме за секој поен и верувам во успех. Се надевам пласман во следната фаза,, ни рече техничарот Ѓорѓи

,, Со Финска очекувам позитивен резултат односно победа која би ја подигнала уште повеќе нашата самодоверба за да одиграме добро и во следните мечеви. Шансата исто тка за победа ќе бараме и против Турција и Белорусија. Мислам дека сме спремни да го оствариме тоа и да се најдеме во вториот круг,, вели примачот Владо Милев

,, Заедно сме 70 дена и одигравме осум пријателски мечеви. Ги гледавме финците, не се нешто посебно  по квалитет тука сме и мислам дека ќе ги добиеме . Имаме почетна треба но тоа е нормално, прв меч, прво европско,, ни изјави Васко Михаилов примач во селекцијата

,, Многу важен натпревар . Финска мора д аја добиеме иако имаме трема но доволно сме мотивирани и имаме желба да дојдеме до втората фаза од Европското,, одговори за Дрнка.МК Александар Љафтов кој игра исто така на позиција примач

,, Ги гледавме финците и ги анализиравме, сакаме и очекуваме победа за да ја израдуваме македонската јавност,, вели средниот блокер Ристо Николов

,, Јас очекувам победа над Финска, мислам дека сме ист квалитет ако не и подобри од нив. Знаеме дека сме дебитанти на европското но тоа не значи дека нема да се бориме за пласман во осминафиналето,,  вели Филип Маџунков кој игра како среден блокер

,, Со Финска ќе биде тешко. Треба да влеземе мотивирани во мечот и да ги намалиме нашите грешки и да се бориме за ској поен. Верувам дека ќе ја израдуваме македонската јавност и да си ги отовориме вратите за втората фаза,, кажа Славе Наков како среден блокер во селекцијата

,,Малку сме напнати оти ова ни е прв меч.Но мислам дека сме поквалитетни од Финска и ќе ја добиеме за пласман во втората фаза,, ни изјави примачот Стојанче Илиев

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.