Во Конче ќе има ноќен турнир во мал фудбал со награден фонд од 250 илјади денари – почна пријавувањето на екипите

2156

Во организација на ФК ,,Серта” од Конче а под покровителство на Советот и градоначалникот на ова општина Благој Илиев, на шести септември ќе започне 22- то издание на ноќниот турнир во мал фудбал ,,Конче 2019”. Турнирот кој ќе биде во сениорска и младинска конкуренција (за деца)  ќе се оддржува на реновираното  игралиште при ООУ ,,Гоце Делчев’’ кое е со нова ограда и нови рефлектори.

Пријавувањето на екипите ќе трае до петти септември на  бројот 071 631 140 а котизацијата за сениорска екипа ќе чини 3000 денари, додека за децата е бесплатно. Откако ќе се пријават екипите ќе се изврши  утврдување на системот на натпреварување и ждребување на мечевите.

Наградниот фонд на годинашново издание на турнирот изнесува 250 илјади денари при што на победничкиот состав ќе бидат доделени 140 илјади денари додека на второпласираниот тим 70 000 денари а третата награда изнесува 35 илјади денари.

Освен за најдобрите три екипи награди се предвидени и за најдобрите поединци што ќе бидат дел од фудбалските состави на овој турнир

,,Како општина секогаш ги поддржуваме спортските манифестации бидејки сакаме да дадеме свој придонес во градењето здрави генераци и јакнењето на натпреварувачкиот дух во фер плеј услови. Со овој турнир го збогатуваме спортско рекреативниот живот ,, информираа од општина Конче

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.