Власта во Струмица во рацете на маскираните, градоначалникот Јаневски им го даде клучот од градот

205

Првиот човек на општина Струмица Коста Јаневски го предаде клучот на градот во рацете на првиот човек на градскиот комитет на ФЕКК од Струмица – Александар Цицимов,  организатори на струмичкиот карневал, кои до следната среда ќе владеат во Струмица со многуте активности

Симболично го предаваме клучот на градот на карневалците, што значи дека тие ќе раководат со градот наредниве денови. Знаејќи колкави широки срца имаат организаторите, очекуваме голема посетеност, кажа градоначалникот Јаневски кој симболично ја предаде власта на маскираните

„Ние ќе бидеме власт која ќе донесе љубов и разбирање и ќе ги прими сите добронамерници, а дека Струмичкиот карневал е еден од најдобрите во Европа, зборува и наградата што ја добивме во Германија – најдобра маска во движење“, истакна претседателот на градскиот комитет на ФЕКК, Александар Цицимов откако го прими клучот.

На големото карневалско дефиле во сабота,  по улиците на Струмица ќе парадираат вкупно 47 групни и поединечни маски, со околу 1.800 учесници. Ке има маски од  Куманово, Струга, Кавадарци, Радовиш и Пробиштип од земјава но и од  Србија, Бугарија, Албанија, Турција, Црна Гора, Хрватска и Германија

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.