Владиката Јаков ја освети Црквата Св. Спас во Ангелци – нека овој храм биде дом за сите верници (фото)

4026

Во присуство на голем број верници и граѓани од струмичко, денеска со божествена литургија беше осветена црквата Св. Спас  во Ангелци. Со благослов на владиката струмички г.Наум чинот на осветување на црквата во Ангелци го предводеше владиката Јаков и свештеници од струмичката епархија кои на верниците им посакаа да го чуват овој божји храм и постојано да доаѓаат во голем број.

Викарниот епископ Јаков Стобиски ги пренесе поздравита на МПЦ ОА и истакна дека овој храм треба да биде дом на сите верници кои го почитуваат светото писмо, дом каде ќе се помолиме за секакви пригоди и секогаш да биде полн со верници како што беше денеска на чинот на осветување.

На иницијаторите за изградба на овој храм во Ангелци , владиката Јаков им додели благодарници од името на струмичката епархија

Црквата Св Спас во Ангелци е со површина од 140 квадратни метри. Почна да се гради пред речиси една деценија. По изградбата на храмот, жителите на Ангелци се организираа и изградија помошни простории а од пред некоја година изградена е и камбанерија на Црквата

фото Струмица Портал

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.