Василево асфалтираше улици во Висока Маала за подобар пристап на граѓаните кон домовите

539

Oпштина Василево викендов асфалтираше во населеното место Висока Маала каде три улици добија асфалт со што им се олеснува пристапот на граѓаните кон своите домови. Конкретно станува збор за три мали улици од по 40-тина метри и ширина од по 3,5 до 4,0 метри според условите на теренот.   Изградбата на овие улици е планирана со Програмата на општина Василево за  изградба, реконструкција и одржување на локални патишта и улици и всушност претставува продолжување на активност која е започната претходната година.

Буџетот за овие активности изнесува околу 940 000 денари и истиот е обезбеден од сопствени извори.Изведувач на градежните работи е фирмата Бони Интерградба од Штип, избрана на јавниот повик како најповолен понудувач.

Градежните активности во општина Василево продолжуваат и во наредниот период и како што информира градоначалникот Марјан Јанев истите се одвиваат согласно плановите и Програмите на општината донесени од Советот на општина Василево.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.