Блокотехна од Гевгелија ја мерка БИБЛ лигата чија завршница ќе биде во Тирана Албанија

247

Гевгелискиот прволигаш ,,Блокотехна’’ на 6 и 7 април во Тирана Албанија ќе се обиде да ја освои балканската регионална – БИБЛ лига. Раководството на ова регионално кошаркарско натпреварување одлучи завршниот турнир со четирите најдобри екипи да биде во салата ,, Фети Борова’’ во Тирана каде освен гевгелискиот прволигаш ќе играат и тимовите на албанскиот преставник Теута но и на бугарските прволигаши Академик и Берое.

,,Блокотехна,, со победата над Башкими кај Призрен Косово со резултат од со 92-77 го осигура второто место со 9 победи и 2 пораза. На 19 март гевгеличани дома го пречекуваат лидерот Берое од Бугарија и со победа може на завршниот турнир да стартува од првата позиција. Инаку во БИБЛ лигата се натпреваруваат 7 екипи каде учествуваше и постариот гевгелиски клуб Кожув

Четата на Марјан Илиевски ова сезона очекува подобра успех за разлика од ланското БИБЛ натпреварување. Во составот има поединци кои се доста квалитетни и се на првите позиции во делот на ефикасноста и асистенциите во кој предничи Данило Мијатовиќ

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.