Беласица како гостин ја надигра Победа со 3:0 – Кожув ремизираше во Пехчево а Плачковица поразена во Кавадарци

178

Екипата на Беласица славеше против прилепска Победа со 3:0 во рамките на второто коло од Втората фудбалска лига Исток. Во дел на минатогодишните прволигаши струмичките сино бели на стадионот во Могила со головите на Милушев, Мирчевски и Истатов остварија убедлива победа со која покажаа дека ова сезона ќе бидат главни фаворити во ова друштво. Со овие нови три бода, Беласица со штипска Брегалница имаат полн учинок по две првенствени кола

За разлика од струмичани, радовишка Плачковица поразена од Тиквеш кај Кавадарци со 3:1 додека тимот на Кожув одигра нерешено 1:1 со Кит Го во Пехчево каде Најдов го отвори резулатот за домакините но гевгеличани преку Никола Костадинов израмнија.

За гевгеличани ова е втор нерешен исход додека за радовишани втор пораз.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.